Անկարան պնդում է, որ Հորմուզի նեղուցը պետք է ապաշրջափակվի բացառապես դիվանագիտական գործիքակազմով՝ զերծ մնալով ուժային լուծումներից։ Այս մասին հայտարարել է Թուրքիայի արտգործնախարար Հաքան Ֆիդանը։
«Հորմուզի նեղուցի բացման հարցում մեր դիրքորոշումն այն է, որ այն պետք է բացվի խաղաղ ճանապարհով՝ դիվանագիտական գործիքակազմով։ Միջազգային զինված խաղաղապահ ուժերի օգնությամբ այս իրավիճակին միջամտելը հղի է չափազանց մեծ բարդություններով», — ասել է Ֆիդանը Anadolu գործակալությանը տված հարցազրույցում։
Նա հավելել է, որ խնդիրներ չի տեսնում նեղուցը երեք-չորս շաբաթվա ընթացքում բացելու հարցում։ Կարևորն այն է, թե ինչպիսին կլինեն նեղուցով նավերի անցմանը վերաբերող կանոնները, նշել է Ֆիդանը։
