Լեհաստանը պատրաստ է փակել Ռուսաստանի և Բելառուսի հետ բոլոր սահմանային անցակետերը, լրագրողներին ասել է երկրի փոխվարչապետ և ազգային պաշտպանության նախարար Վլադիսլավ Կոսինյակ-Կամիշը։
«Մենք պատրաստ ենք, անհրաժեշտության դեպքում, փակել արևելյան սահմանի բոլոր սահմանային անցակետերը։ Մենք արդեն ունենք դրա համար անհրաժեշտ սարքավորումները», — ասել է Կոսինյակ-Կամիշը։
Երկրի փոխվարչապետը հավելել է, որ լեհական անվտանգության ուժերն արդեն ունեն «պահեստներ, ամրություններ և ամրացումներ» այդ նպատակով։
Լեհ նախարարը պարզաբանել է, որ այդ պաշարները կուտակվում են «Արևելյան վահան» ծրագրի շրջանակներում։
Ազգային պաշտպանության փոխնախարար Չեզարի Տոմչիկը հայտարարել է, որ Լեհաստանը պատրաստ է փակել Ռուսաստանի և Բելառուսի հետ սահմանային անցակետերը 7-14 օրվա ընթացքում։ Նա հավելել է, որ Լեհաստանը ականներ է գնում նաև այս նպատակով։ «Մի քանի հազար ականների գնումը կիրականացվի, որպեսզի դրանք պատրաստ լինեն հնարավոր տեղակայման համար», — ասել է փոխնախարարը։
